هل ممكن أن يقتلك الأنترفيو ؟

هل ممكن أن يقتلك الأنترفيو ؟

سواء كانت إجابتك بنعم أو لا فأنت قبل ما تجاوب لازم تفهم الأول إزاي أصلا بنحس بالتوتر !!؟

التوتر هو شعور بيكون نتيجة إنك بتتعرض لضغط سواء في مقابلة شغل أو إمتحان أو تعرضك لموقف صعب،

ساعتها المخ وتحديدا ” المنطقة التحت مخية ” Hypothalamus region بتبعت إشارات ل” Adrenal gland الغدة الكظرية أو الفوق كلوية ” اللي بتفرز الادرينالين اللي

بدوره بيخليك على درجة عالية من اليقظة وسرعة رد الفعل وده اللي بيطلق عليه *Good stress* وده شيء طبيعي جدا ومفيد.

1) عن طريق انه بيعمل التهابات مزمنة بتدمر انسجة الجسم
2) بيعمل Suppression للخلايا المناعية يعني بيمنعها تقاوم أي ميكروب .

طب ازاي ده بيحصل ؟!!!

لما بتكون متوتر الجسم يبفرز Stress hormone

اللي هو هرمون الكوتيزول وده هرمون بتفرزه الغدة الكظرية *Adrenal gland* تحديدا قشرة الغدة الكظرية

وبعد مدة بسيطة بيرجع الهرمون لوضعه الطبيعي

لكن المشكلة بتبدأ أول ما يزداد تركيز هرمون الكورتيزول نتيجة للتوتر المستمر ساعتها بيحصل Interfere لهرمون الكورتيزول مع الجهاز المناعي

وبيحصل suppression للجهاز المناعي يعني ببساطة بيعيق عمل جهازك المناعي .

هل ممكن أن يقتلك الأنترفيو ؟

ومع زيادة تركيز هرمون الكورتيزول بيصبح أقل فعالية في معالجة التهابات الانسجة مش بس كده لا وكمان بيعمل Reduction للخلايا المناعية يعني بيقلل عدد الخلايا المناعية، خصوصا lymphocytes اللي بتعتبر من أهم عناصر جهازك المناعي وده اللي بيخليك معرض للعدوي والاصابة بأمراض كتيرة.

ف تجربة اتعملت على بعض الاشخاص اللي اتعرضوا لمواقف اتحطوا فيها تحت ضغط لمدة طويلة أظهرت النتايج إنهم بيكونوا معرضين لإصابة بفيرس الانفلونزا عن غيرهم، وإن ده ممكن يكون السبب أن في طلبة كتير قبل فترة الامتحانات بيتعرضوا لإصابة بأمراض نتيجة توترهم اللي بيؤدي لضعف جهازهم المناعي وإصابتهم بالمرض .

التوتر المستمر كمان بيأثر على قلبك وعلى جهازك الهضمي وبيعرضك لإصابة بقرح المعدة والسكر وإرتفاع ضغط الدم .

إقرأ أيضاً التنقل بين المهام وصحتك العقلية

عشان كده ياريت قبل ما تخلي التوتر يسيطر على حياتك أعرف إنك بتأذي نفسك جدا وإنك لازم تغير من نظام حياتك .

نسيت أسألك شايف نفسك فين كمان 5 سنين ؟

يمكنك قراة مقالة من موقع موضوع بعنوان كيف تجتاز مقابلة العمل بنجاح