الصداع النصفى يعتبر من أسوء انواع الصداع الذى من الممكن ان يصيب الشخص والاغرب من ذلك انه ياتى فى الاذكياء دون غيرهم
🔰 ما هو الصداع النصفي ؟
📎الصداع النصفى ياتى في ناحية معينة من الرأس سواء يمين او شمال وبينتقل وبيروح ويجي 😂😂😂
📎الأهم من كده انك ممكن تعرف انك داخل في صداع نصفي من علامات محذرة Aura وهي:
مشاكل في النظر مثل زعلله او راية نقط سوداء😠
إقرأ أيضاً هل تسبب مواقع التواصل الاجتماعى الأكتئاب ؟
🔰 اسباب الصداع النصفى ؟
هو مش سبب بعينه هي مجموع بيجتمعوا كده. مثلا :
1- الوراثة.
في أبحاث كتير اثبت انه اكثر من 70% من الحالات كان في حد من العائلة عنده .
2- اكثر انتشارا في الإناث عن الذكور
3- في الناس اللي بيعيشوا في المدن عشان الزحمة و ضغوطات الحياة الكتير
4- الشخص الموسوس ” يعمل الحاجة 100 مرة وبرضو يسأل انا عملتها ولا “
و زيه تمام الشخص اللي عاوز كل حاجة صح ” أحب اقلك انك انت في مصر احمد ربنا انك عايش “
😯 هو ايه ده انا تقريبا عندي علي الاقل 3 من اللي فوق طيب ايه العمل 🙂
📍هو مش كل شخص عنده الحاجات اللي فوق حيكون عنده صداع نصفي☺
بس أحب اقلك انك اكثر عرضه من غيرك😂😂
📎 في حاجة اسمها “precipitating factor”
هي عبارة عن العوامل اللي تخلي الصداع النصفي يحدث في شخص عرضه للمرض.
📍 ودي اهم حاجة بحيث نمنعها عشان ما يجيش الصداع التاني . منها بقي :
1- التوتر العصبي 😬 ” في حاجة مزعلك”
2- الإجهاد الذهني 😇
” بتفكر كتير: سبها علي الله هو حيحلها “
3- الإجهاد البدني 🙇
“ما تتعبش جسمك (لا يكلف الله نفسا إلا وسعها)”
4- الاكثار من بعض الأكلات مثل :
– الشكولاتة 🍫🍫 “🍫 حياتي 😂😂😂”
– التدخين 🚭🚭 “لازم تبطل”
– الخمور 🍻
🔰 كيف تتخلص من الصداع النصفى ؟
📍 حاول تهدأ relax
” ادخل في اوضه ظلمه وبلاش تتعرض للضوء “
📍ياسلام لو تنام 💤ممكن الصداع يختفي تماما لو لحقته بدري
📍 ممكن استخدام بعض المسكنات 💊 وذلك تحت اشراف طبيب
📍 لو ما راحش يرجي المتابعة مع طبيب لتحديد الأدوية التي يجب اخذها في الفترة اللي بتكون بين كل نوبة صداع
إقرأ أيضاً التنقل بين المهام وصحتك العقلية
